Kanadaning kichik supermarketlaridan biri ko`cha jinoyatchiligidan aziyat chekmoqda, chunki unga olmaxonlar o`g`irlikka tushmoqda, deb xabar berdi “Tvzvezda.ru” nashri.

Olmaxonlar eshigi ochiq turadigan supermarketga kirib, turli tovarlar turgan tokchaning eng pastki qavatidan biror shirinlikni o`g`irlab qochishmoqda. Shunday o`g`richalardan birini sotuvchi videoga oldi.

Kadrda olmaxonning do`konning ochiq eshigidan ehtiyotkorlik bilan kirib, atrofni kuzatgani, keyin sekingina tokchaga yaqinlashib, shokoladli batonchikni o`g`irlab, qochgani aks etgan.
 
Operator o`g`rini quvib etishga harakat qilgan, ammo olmaxon qochishga muvaffaq bo`lgan. Do`kon sotuvchisi mahalliy olmaxonlarning 40 dan ortiq shokoladlarni o`g`irlaganligi haqida video tagida izoh qoldirgan.